Wšitkim, kotrymž je inkluzija wažna, skići něhdyše dwórnišćo w Radworju městnosć zhromadnosće.

Zaměry towarstwa su mjez druhim slědowace:

· spěchowanje wjesneje zhromadnosće a zdźerženje dwórnišća Radwor jako zjawnje přistupne zetkawanišćo

· spěchowanje wuměłstwa a kultury kaž tež tradicionalnych nałožkow w dwurěčnym sydlenskim rumje

· spěchowanje wobydlerskeho angažementa na dobro powšitkownowužitnych, caritatiwnych a cyrkwinskich zaměrow

· spěchowanje pomocy za zbrašenych ludźi

· spěchowanje młodźinskeje pomocy, zdźěłowanja a kubłanja

· ku

kubłanske a wólnočasne poskitki (seminary, informaciske zarjadowanja, dalekubłanja atd.) za wšitkich, kotřiž su na wuwiću inkluziwneje towaršnosće zajimowani

· informaciju a poradźowanje za ludźi ze zbrašenjemi, jich přiwuznych a jim blisko stejacych kaž tež posrědkowanje pomocy za inkluziju

· poskitki dźěła za zbrašenych ludźi ze zaměrom, kontakt mjez zbrašenymi a njezbrašenymi ludźimi spěchować

· dźěćace a młodźinske dźěło, t.r. na cilowu skupinu so poćahowace abo wotewrjene poskitki, kotrež słuža kubłanju wosobiny, spěchuja swójsku zamołwitosć a polěpšuja inkluziwne wobdźělenje towaršnosće

· wukmanjenje młodych ludźi, zo bychu swoje zamóžnosće a swoju wosobinu wuwiwali a dźiwali na dostojnosć čłowjeka

· towarstwo podpěruje młodych ludźi z inkluziwnymi a spěchowacymi poskitkami, zo bychu samopostajenje, sebjewědomje a pozitiwne žiwjenske začuće wuwiwali

Z lěta 2016 přewjedźechju so mnohe zarjadowanja.

W času saněrowanja dwórnišćoweho twarjenja wot 2020-2022 wotměchu so někotre zarjadowanja zwonka domu, dokelž njeběchu rumnosće twarskich dźěłow dla přistupne abo móžachu so jenož zdźěla wužiwać.

Na dnju wotewrjeneho pomnika w lětach 2016, 2018 a 2021 móžachmy stajnje někak 500 wopytowarjow witać.

Wot septembra 2022 wotnajamy saněrowane rumnosće a wutwarjamy wobstajnje syć našich aktiwitow.

We wobłuku spěchowanja zhromadnosće přewjedźamy prawidłownje wotpowědnje cilowej skupinje specifiske zarjadowanja.

Tež zhromadne dźěło z dalšimi towarstwami, kaž na př. ze serbskej Staršiskej iniciatiwu Radwor z.t. abo Domowinu z.t. přinošuje bytostnje k dalšemu rozšěrjenju hospody a zetkawanišća. Wot septembra 2022 wotměwa Staršiska initiatiwa wšelake dźěłarnički swojeho projekta “Serbski eksperiMINT-campus ” tež w našich rumnosćach.

Projekt “Socialne městna ” Swobodneho stata Sakska přinošuje wot awgusta 2023 k tomu, zo žiwjenje  na dwórnišću dale a bóle wožiwja. Wobydlerjo gmejny a regiona zarjadowanja derje přiwozmu a z tym so naše dwórnišćo dale na zetkawanišćo za wšitkich wuwiła.

Přehlad wo našich projektach namakaće we rubrikomaj "To smy my" a "Projekty". Klikńće prosće na button a hižo sće na stronje “Projekty”.

2020     fonds “Čiń sobu” Swobodneho stata Sakska z nominowanjom jako lubušk publikuma

2021     LEADER-region Hornjołužiska hola a haty

2021     Spěchowanske myto drobnowikowanskeho předewzaća PENNY

2021     Dobyćer idejoweho wubědźowanje SIMUL+

W lěće 2021 móžachmy crowdfunding projekt z Budyskej wokrjesnej lutowarnju „Zetkanišćo za wšěch - wučbna kuchnja w dwórnišću“ wuspěšnje zakónčić.